Softboks bu – yoritish manbaiga qo’shimcha ravishda o’rnatiladigan uskuna bo’lib, undan yoyilgan yumshoq yorug’likka erishish uchun foydalaniladi. Softboks so’zi inglizcha SOFTBOX, “SOFT” – yumshoq, “BOX” – quti, so’zlar umumlashtirilganda yumshatuvchi quti ma’nosini beradi.

Eng sodda softboks to’plami quyidagi asosiy qismlardan iborat bo’ladi: yoritish manbaiga o’rnatish uchun maxsus moslama, reflektor (nur qaytaruvchi) va diffuzor (yorug’lik yoyuvchi). Reflektor yaltiroq ko’rinishda bo’lganligi sabab tushayotgan nurni qaytarsa, diffuzor kelayotgan yorug’likni yoyib berib, odatda oq matodan tayyorlanadi.

Softbokslar shakliga ko’ra bir necha turlarga bo’linadi:
Kvadroboks – kvadrat shaklidagi softbokslar;
Oktoboks – sakkiz qirra shaklidagi softbokslar;
Stripboks – to’g’ri to’rtburchak shaklidagi softbokslar;
Aylana shaklidagi softbokslar.